Suna hai teray shaher main nazool-e-wafa ka mousam

Suna hai teray shaher main nazool-e-wafa ka mousam

Mohabbat ka sawan aur rang-o-noor ka aalam hota hai

Suna hai wahan dilon ka milan hota hai

Roohon ka wisaal aur hijar ka inkaar hota hai

Wahan zulf bikhray to raat ka aalam

Jo simtay to sawera hota hai

Suna hai ashk jab koi bahaye to

Wahan sawan ka mousam hota hai

Taara jab bhi tootay kahin aasmaan main

Nazak haathon main kash'kol-e-dua hota hai

Suna hai wahan kalaam karti hain mohabbatain

Nafraton ka qatal-e-aam hota hai

Suna hai woh bhi makeen hai teri basti ka

Jo sadiyon se rooh-e-jaan hamari hota hai

US ko salam-e-mohabbat kehna

Jis ki aankh main ashk meray naam ka hota hai

Woh bhi shayed mehsoos karta ho

Dard jo Firaaq main yahaan hota hai

Us ki muskaan ka bhi aalam kuch biyaan ho

Kiya ab bhi ussay dekh kar chaandani ka gumaan hota hai

Suna hai ab bhi woh nazar jhuka kar milta hi

Kahin aankh main us ki pyaar ka rang hota hai

Chalo us basti ki jaanib chaltay hain

Jahan rang-e-qos-o-qaza , aur raqs ishq main hota hai