Qadam qadam tha naya marhala main kiya karti?
Taweel hota gaya tha faasla main kiya karti?
Her aik shakhs ko tha zoham-e-rah'bari kitna
Bhatak raha tha mera qaafla main kiya karti?
Gham-e-hayaat , gham-e-ishq , aur gham-e-jaana
Ulajh gaya tha youn her aik silsala main kiya karti?
Tumharay saath kisi bhi faisalay ki fursat kab thi
Tumharay baad bhala koi faisala main kiya karti?
Bhout sambhaal kay rakha tha dil main raaz tera
Woh ban kay ashk jo girnay laga main kiya karti?
Mujh hi se maangnay aya woh lay kay majboori
Ab us se usi ki jafa ka gila main kiya karti?
Woh aansoo'on ki zubaan khoob jaanta tha meri
Mujhay bayaan ka na tha hosla main kiya karti?
No comments:
Post a Comment