Woh chahnay walon ko mukhatab nahin karta
Aur tark-e-taaluq main wazahat nahin karta
Woh apni jafaon pe nadim nahin hota
Main apni wafaon ki tijaarat nahin karta
Khushboo kisi tasheer ki mohtaaj nahin hoti
Sacha hoon magar apni wakalat nahin karta
Ehsaas ki sooli pe latak jaata hoon aksar
Main jabar-e-musal'sal ki shikayat nahin karta
MAin azmat-e-insaan ka qayal to hoon "Mohsin"
Lakin kabhi bandon ki ibaadat nahin karta
No comments:
Post a Comment