Woh kehta tha meray dil ko mohabbat bojh lagti hai

Woh kehta tha meray dil ko mohabbat bojh lagti hai

KEh is ki band nagri se mujhay kuch khouf aata hai

Her aik lamha draata hai

Mujhay kuch aisa lagta hai

Keh is ki narm khamoshi

Meri saansain chura lay gi

Mujhay be'bas bana day gi

Mujhay azaad rehna hai

Faqat itna hi kehna hai

Sun kay us ki sab baatain

Main bas yeh bol parti thi

Mohabbat qaid rakhti hai

Magar is qaid main reh kar

Jo khushiyaan dil ko milti hain

Kahin se mil nahin saktein

Keh is ki narm zanjeerain

Kabhi ghayal nahin kartein

Mohabbat aisi manzil hai

Keh jis kay raaston pe

Wafa ka dars milta hai

Nibah ka dars milta hai

Dilon pe raaj karnay ki ada ka dars milta hai

Yeh her dil ki zaroorat hai

Mohabbat khoobsurat hai

Mohabbat khoobsurat hai