Wohi raaton ki be'dardi hai ab tak

Wohi raaton ki be'dardi hai ab tak

Tamana ka safar jaari hai ab tak

Khayal-e-zabt aur tark-e-taaluq

Yahi pathar bhout bhaari hai ab tak

Akeli chandani raaton main dil  ko

Sulag uthnay ki bemaari hai ab tak

Abhi pichlay dino hum pe jo guzri

Usi rut ka nasha taari hai ab tak

Badan se ho kay jo roohon main utri

Usi qurbat ki sar'shaari hai ab tak

Main hijrat kar to loon "Mohsin" chaman se

Par prindon se meri yaari hai ab tak