Yaad hai na kuch gumaan-e-hijar hai

Yaad hai na kuch gumaan-e-hijar hai

Yeh bhi shayed imtihaan-e-hijar hai

Woh jo bichra hai to hai jaan par bani

Haan magar woh hi to jaan-e-hijar hai

Hai mujhay wehshat jo apnay aap se

Rog kab hai , yeh to shaam-e-hijar hai

Neem shab karni hain giriya'zaariyaan

Aao deewano ! Azaan-e-hijar hai

Woh to meray chaar soo hai jalwa gar

Kiyon bhala mujh ko gumaan-e-hijar hai

Dard le lo ! ashk le lo ! Khwaab le lo

Muft hai sab , yeh dukaan-e-hijar hai

Zulm yeh hai , jo gawah-e-wasal thi

Ab woh shab raazdaan-e-hijar hai

Ishq ka qissa wohi hai jaawidaan

Asal main jo daastaan-e-hijar hai

Saath Imran kay mana lo shaam-e-gham

Sar dhuno yaaro biyaan-e-hijar hai