Dil jo toota to nigahon ne bahaye aansoo
Qatra qatra meri palkon ne giraye aansoo
Tishna lab is ne mera naam liya hai jab bhi
Jaam bhar bhar kay mujhay is ne pilaye aansoo
JAhan kuch bholi wafaon kay nishaan baaqi hain
Hum ne un raahon pe ruk ruk kay bahaye aansoo
Dard ka bojh zara kam to hua hai mera
Surat-e-shair jo lafzon main sajaye aansoo
MAin nahin dekh saka dard kisi ka
Meri aankhon main to aaye hain paraye aansoo
No comments:
Post a Comment