Ojhal sahi nigah se , dooba nahin hoon main
Ae raat khabardaar keh haara nahin hoon main
Dar'paish subh-o-shaam yahi kash'makash hai ab
US ka bano main kaisay keh apna nahin hoon main
Mujh ko farishta honay ka dawa nahin magar
Jitna bura samjhtay ho , utna nahin hoon main
IS tarah phair phiar kay baatain na keejiye
Lehjay ka rujh samjhta hoon bacha nahin hoon main
Mumkin nahin hai mujh se yeh tarz-e-munafqat
Duniya teray mizaaj ka banda nahin hoon main
No comments:
Post a Comment