Mousam-e-wisaal guzar gaya to khayal ban kar mila karain gay
Bichar gaye to hum ik maah-o-saal ban kar mila karain gay
Kitab-e-ehad-o-wafa kay ik ik warq pe apni khabar milay gi
Hum ehal-e-ulfat mohabbaton ki misaal ban kar mila karain gay
Hazaar lamhon ki ho musaafat dilon ki dharkan sunaai dy gi
Guzartay lamhon ki her sadaa main dhamaal ban kar mila karein gay
Abhi to lamhon ki dooriyon par bhatak rahay hain magar kabhi hum
Falak ki gardish main aa gaye to hilaal ban kar mila karein gay
No comments:
Post a Comment