Shaam kay surmai andheron main
Youn teri yaad saath chalti hai
Jaisay parbat kay sabaz perron par
Barf kay baad dhoop parti hai
Jaisay sehraa ki rait urr urr kar
Ajnabi ka tawaaf karti hai
Aah bharta hoon ashk peeta hoon
Roz marta hoon phir bhi jeeta hoon
Kitni masoom aarzo'on ko
Kis tarah log tor jaatay hain
Jaisay dam tortay musafir ko
Qaaflay walay chor jaatay hain
Shaam kay surmai andheron main
Youn teri yaad saath chalti hai
No comments:
Post a Comment