Subaq raftaar lamhon ki haddain tarteeb deta hoon
Sehar ki saans ginta hoon shabbain tarteeb deta hoon
MAin aab-e-zarr likhta hoon usi ka naam shairon main
Sunehray lafz bunta hoon unhain tarteeb deta hoon
Ussay sochon to pehlu se sirak jaata hai dil mera
MAin dil pe haath rakh kar dharkanain tarteeb deta hoon
Meray logon ki niyat main yazeedi wasf hai "Haseeb"
Wohi mujh ko mitaatay hain jinhain tarteeb deta hoon
No comments:
Post a Comment