Aaj bhi shaam udaas rahi

Aaj bhi shaam udaas rahi 

Aaj bhi tapti dhoop ka sehraa !

Teray narm labon ki shabnam 

Saaye se mehroom raha 

Aaj bhi pathar hijar ka lamha 

Sadiyon se be'khwaab ruton ki 

Aankhon ka mafhoom raha 

Aaj bhi apnay wasal ka taara 

Raakh uraati shokh shafaq ki 

Manzil se madoom raha 

Aaj bhi shaher main pagal dil ko 

Teri deed ki aas rahi 

Muddat se gum sum tanhai 

Aaj bhi meray paas rahi 

Aaj bhi shaam udaas rahi