Aankhon main Aanso'on ko ubharnay nahin diya
Mat'ti main motiyon ko bikharnay nahin diya
Jiss rah par paray thay teray paa'on kay nishan
Uss rah se kisi ko guzarnay nahin diya
Her baar hai naya teray milnay ka zaiqa
Aisa samar kisi bhi shajar ne nahin diya
YEh hijar hai to iss ka faqat wasal hai ilaaj
Hum ne yeh zakham waqat ko bharnay nahin diya
Itnay bharay jahan main jaaye ga tu kahan
Iss ik khayal ne mujhay marnay nahin diya
Uss ne hansi hansi main mohabbat ki baat ki
MAin ne "Adeem" uss ko muskuranay nahin diya
No comments:
Post a Comment