Aasmaan se toota hua ik sitaara hoon main
Na kisi ka mehboob na kisi ka sahara hoon main
Nahin shikwa mujhay koi zamanay se
Faqat bas halaat ka maara hoon main
Hazaron log rehty hain meray aas paas
Na janay phir kiyon be'sahara hoon main
Jis kay khayal main koi manzil na aaye
Haan aisa musafir awara hoon main
Jissay dekhnay ko her koi gurez karta hai
Wohi be'rang, be'noor sa nizaara hoon main
Aaj jo nafrat karta hai mujh se
Kal wohi kehta tha tumhara hoon main
No comments:
Post a Comment