Aseer-e-dasht-e-wafa ka na maajra kehna
Tamaam poochnay walon ko bas dua kehna
Yeh kehna raat guzri hai ab bhi aankhon main
Tumhari yaad ka qaaim hai silsala kehna
Yeh kehna chaand nikalta hai baam par ab bhi
Magar nahin woh shab-o-roz ka maza kehna
Yeh kehna hum ne hi toofan main daal kay kashti
Qasoor apna hai dariya ko kya bura kehna
Yeh kehna tum se bichar kar bikhar gaya hoon main
Keh jaisay haath se gir jaye "Aaina" kehna
No comments:
Post a Comment