Her shakhs se ulfat ka iqraar nahin hota
Her chehray se dil ko kabhi pyaar nahin hota
Jo rooh ko choo jaye jo dil main utar jaye
Uss ishq ka lafzon main izhaar nahin hota
Jab pyaar juda ho to yeh hussan bhi veeran hai
Mehboob bina koi singhaar nahin hota
Jo ishq main mar jaye samjho woh nageena hai
Ban jaye woh pathar bhi be'kaar nahin hota
Kya samjho gay tum kisi ki be'naam mohabbat ko
Yeh ishq ka soda hai sar-e-bazaar nahin hota
No comments:
Post a Comment