Hum se jab woh hont milaatay hain
Meh'kaday bansuri bajaatay hain
Aao hum ko faraib do koi
Hum khushi se faraib khaatay hain
Jo teray dar se na'muraad aaye
Ab meray dar ko khat'khata'tay hain
Teri mehfil ki roshni kay liye
Aaj hum apna dil jalatay hain
Youn khanakti hai nabz-e-dil jaisay
Junglon kay sakoot gaatay hain
Dil Alm hi se shaaq nahin hota
Dil khushi se bhi toot jatay hain
Aap bhi koi hukam farmayin
Mah'jabeen khidmatain karwatay hain
Tum ne dil ko ujaar hi daala
Kya sajan youn ghar banatay hain
Koi matti ka koi chaandi ka
Ghar main sab hi diye jalatay hain
No comments:
Post a Comment