Idher dekho yeh khamoshi
Zara achi nahin lagti
Kaho
Kuch to kaho jaana
Rutain kaisay badalti hain
Baharain gum hui kaisay
Khizaan ka raaj kaisay hai
Chalo ik lafz-e-ghalat'fehmi
YA ik rishtay ki sachaai
Mohabbat , dosti , nafrat
Kisi mozo ko chairain hum
Koi ro raey do apni
Koi to silsala niklay
Meray in sookhye baalon par
Meri banjar si aankhon par
Meray in mailay daanton par
Chalo tanqeed kar dalo
Sitaray aisi palkon par
Nahin jana , nahin achay
Tumhari to yeh aadat thi
Meri her baat par hansana
Zameen par apni ungli se
Aray kiya likh rahay ho tum
Suno tum se mukhatib hoon
Mujhay dekho main kaisay hoon
Agarchay mar gaya hoon main
Tumhara hukam mana hai
To phir kis baat ka rona
Tumhain to muskurana hai
Inhi ik do dno main to
Mujhay bas bhool jana hai
No comments:
Post a Comment