Ishq main qalb-o-jiger bhi na hamaray niklay
Jo bhi niklay woh taraf'daar tumharay niklay
Kitnay aashiq huwey qurbaan tujhay maloom nahin
Kitnay zaalim teri nazron kay isharay niklay
Teray dariya-e-mohabbat main mohabbat se kabhi
Doobnay walay jo doobay na kinaray niklay
Kitna mushkil tha gham-e-doran se nikalna lakin
Hum jo niklay to faqat un kay saharay niklay
Meray mar jaanay ki woh sun kay khabar Ae Mohsin
Ghar se rotay huwey bin zulf sanwaray niklay
No comments:
Post a Comment