Jaisay phir haath main khushboo kay khazanay aaye
Yaad phir se mujhay woh guzray zamanay aaye
Meray apnay bhi mujhay bhoolay huwey hain shayed
Aik muddat se nahin dil ko dukhanay aaye
Aur deleez pe aa jaati hain yaadein lakin
Loat kay phir nahin bachpan kay zamanay aaye
Ab kay mousam ne bhi ehsaan kiya hai mujh pe
Yaad phir se mujhay woh dard puranay aaye
Khoob rakha hai rafaqat ka bharam us ne bhi
Kat chukay haath to phir haath milanay aaye
No comments:
Post a Comment