Kahani dard ki main zindagi se kiya kehta
Yeh dard us ne diya hai usi se kiya kehta
Gila to mujh ko bhi karna tha pyaas ka lekin
Jo khud hi sookh gayi us nadi se kiya kehta
Meray aziz hi mujh ko samjh na paaye kabhi
Main apna haal kisi ajnabi se kiya kehta
Andheri raat ne mujh ko bhout staya hai
Bhala yeh baat main ab roshni se kiya kehta
Tamaam shaher main tha raaj jhoot ka
Main apnay gham ki haqqeqat kisi se kiya kehta
No comments:
Post a Comment