Kya khabar thi keh main is darja badal jaaon ga
Tujh ko kho doon ga teray gham se sambhal jaaon ga
Ajnabi ban kay milon ga main tujhay mehfil main
Tu ne chairi bhi to main baat badal jaaon ga
Dhoond paaye na jahan yaad bhi teri mujh ko
Aisay jungle main kisi roz nikal jaaon ga
Zid main aaye huwey mousam se bachnay ki tarha
Khud hi kashti ko dabonay pe machal jaaon ga
No comments:
Post a Comment