Raastay main ik shajar hai zameen par para huwa
Sayaa magar hai apni anaa par arra huwa
Deeda'waron ne us ko banaya ameer-e-shaher
Tha jis ki chasam-e-kour main pathar jurra huwa
Kis kis se taziyat ka fareeza ada karoon
Her Aadmi kay sar pe hai qutba garha huwa
Toray ga kon waqat kay zalim jamood ko
Ehal-e-hunar kay lab pe taala para huwa
Qaatil bhi yaar thay meray maqtool bhi aziz
Wasif main apnay aap main naadim bara huwa
No comments:
Post a Comment