Shayed abhi hai raakh main koi sharaar bhi
Kiyon warna intizaar bhi hai iztaraar bhi
Dhiyaan aa gaya hai marg-e-dil-e-na'muraad ka
Milnay ko mil gaya hai sakoon bhi qaraar bhi
Ab dhoondnay chalay ho musaafir ko dosto
Had-e-nigaah tak na raha jab ghubaar bhi
Her Aastaan pe naasiya-farsaa hain aaj woh
Jo kal na kar sakay thay tera intizaar bhi
Ik raah ruk gayi to thit'tak kiyon gaye Ada
Aabaad bastiyaan hain paharron kay paar bhi
No comments:
Post a Comment