Soz-o-gham de kay mujhay us ne yeh irshaad kiya
Jaa tujhay kash'makash-e-dehar se azaad kiya
Woh karain bhi to kin alfaaz se tera shikwa
Jin ko teri nigah-e-lutf ne barbaad kiya
Dil ki choton ne kabhi chain se rehnay na diya
JAb chali sard hawa main ne tujhay yaad kiya
Uss ka rona nahin kiyon tum ne kiya dil barbaad
Ess ka gham hai keh bhout dair main barbaad kiya
Itna ma'noos hoon fitrat se kali jab chatki
Jhuk kay main ne yeh kaha mujh se kuch irshaad kiya
Mujh ko to hosh nahin tum ko khabar ho shayed
Log kehtay hain keh tum ne mujhay barbaad kiya
No comments:
Post a Comment