Tera khayal agar juzo-e-zindagi na rahay

Tera khayal agar juzo-e-zindagi na rahay
Jahan main meray liye koi dil'kashi na rahay

Main aa gaya hoon wahan tak teri tamana main
Jahan se koi bhi imkaan-e-wapsi na rahay

Hazoor ! yaad hai maidaan-e-hashar ka wada ?
Kahin wahan bhi meri aankh dhoondti na rahay

Mera to khair azal hi se gham muqaddar hai
Teri nigaah ki pehchaan be'rukhi na rahay

Teray firaaq ka mousam azaab hai mohsin
Kabhi kabhi to main kehta hoon zindagi na rahay