Tumhari aankhein kehti hain , hisaar-e-zaat se niklo
Tamana meri ban jaao shab-e-barbaad se niklo
Kinara thaam lo dil ka bhula do sab gilay shikwe
Kabhi sachi hansi hans do puraani yaad se niklo
Khayal-e-yaar acha hai magar jis ne wafa na ki
Palat kar phir sada na do dar-e-fariyad se niklo
Kal ki raat ka pehlu achanak hum se yeh bola
Saja lo aankh main sapnay amawas raat se niklo
Nahin tum ko gawara ab hamara qurb to keh do
Hamaray qurb ki choro tum is azaab se niklo
No comments:
Post a Comment