US ka husan ho , mera ishq ho

US ka husan ho , mera ishq ho 

To phir husan-o-ishq ki baat ho 

KAbhi main milon , kabhi woh milay 

KAbhi hum milein mulaqaat ho 

KAbhi woh ho chup

KAbhi main hoon chup

Kabhi dono hum chup chaap hon 

KAbhi gutagoo 

Kabhi tazkaray 

Koi zikar ho 

koi baat ho 

KAbhi wisal ho to din ko ho

Kabhi hijar ho to woh raat ho 

Kabhi ulfatein 

Kabhi nafratein 

Kabhi jeet ho 

Kabhi maat ho

Kabhi phool ho 

Kabhi dhool ho 

KAbhi yaad ho kabhi bhool ho 

Rehna muskuraatay pyaar main 

Khilein phool ban kay bahaar main 

Na zameen koi na falak koi 

Na wajood ho 

Na hi zaat ho 

Sirf

Tera husan ho , mera ishq ho 

Teri zaat main , meri zaat ho