Weeraan wajood lay kar chalna para hamein

Weeraan wajood lay kar chalna para hamein
Apnay lahu ki aag main jalna para hamein

MAnzil bhout hi door thi raastay thay ajnabi
Taaron kay saath saath nikalna para hamein

Saaye ki misal aaye thay us ki gali main hum
Dhalnay lagi jo shaam to dhalna para hamein

Her charhtay suraj ki salaami na de sakay
So dopehar ki dhoop main jalna para hamein

Kisi taraf bhi sahara na tha koi
Jab bhi giray to khud hi sambhalna para hamein