Agar yeh jaan'na chaho koi kaisay bikharta hai

Agar yeh jaan'na chaho 

Koi kaisay bikharta hai 

Bikhar kar kaisay girta hai 

Chaman main tum chalay jana 

Khizaan kay sard mousam main 

Wahan patton ko dekho tum 

Ya phir ik Aaina le lo 

Essay pathar pe de maaro

Agar mushkil ho yeh bhi to 

Aik phool le lena 

Hawa kay dosh pe rakhna 

To phir tum jaan paao gay 

Koi kaisay bikharta hai 

Agar yeh bhi na ho tum se

To meray paas aa jana 

Mera deedar kar lena 

Kahabar yeh ho hi jaye gi 

Koi kaisay bikharta hai