Be'sada gumbad-e-aflaak meray baad hua
Saaniha yeh bhi alam'naak meray baad hua
Khaak hi kar diya phir khaak nasheeno ne mujhay
Khaak ka sara safar khaak meray baad hua
Samnay meray jissay baat nahin aati thi
Woh bhi sunta hoon keh chalaak meray baad hua
Woh mujhay chor kay khush baash nahin reh sakta Qateel
Aur us ko bhi yeh idraak meray baad hua
No comments:
Post a Comment