Ek pal ko na raat so saka main
Uss khwaab ki aas main raha main
Jab dheyaan main aa gaya woh chehra
Sonay ki ba'jaye ro para main
Bas aik hi yaad main garifta
Dil thaam kar apna reh gaya main
Bas aik hi ranj se shakista
Kiyon us se bhala juda hua main
Bas ik kahyal dil pe taari
Woh jaagti, saath jaagta main
Hota woh agar qareeb meray
Phir choo kay bhi us ko dekhta main
Khush baash rahay jiye sada woh
Par us se bichar kay mar gaya main
Zaahir main to saans le raha tha
Zinda tha baghir-e-zindagi main
Chandai se badan pe tha andhera
Uss chand se kitna door tha main
No comments:
Post a Comment