Gulaabi phool dil main khil chukay thay

Gulaabi phool dil main khil chukay thay

Gulaabi phool dil main khil chukay thay

Hum is mousam main tujh se mil chukay thay 

Tawajo se teri phir khil rahay hain 

Wagarna zakham to yeh sil chukay thay 

Satoon kitna sahara in ko detay 

Jo ghar buniyaad se hi hil chukay thay 

Puraani ajnabiyat phir loat aayi !

Hum in se aur woh hum se mil chukay thay 

Tar-o-taaza thi jaan raah-e-junoon main !

Agarcha paaon apnay chhill chukay thay 

Parveen Shakir