Habs-e-duniya se guzar jaatay hain
Aisa kartay hain keh mar jatay hain
Kaisay hotay hain bicharnay walay
Hum yeh sochain bhi to dar jatay hain
Dil jo tootay to sar-e-mehfil bhi
Baal be'wajah bikhar jatay hain
Ab na dekho meri banjar aankhein
Charhtay dariya to utar jatay hain
Dhoop ka roop rachanay walay
Shaam ko aur nikhar jatay hain
Tum kahan jaayo gay socho Mohsin
Log thak haar kay ghar jatay hain
No comments:
Post a Comment