Jaana dil ka shaher , nagar afsos ka hai
Tera mera sara safar afsos ka hai
Kis chahat se zehar-e-tamana manga tha
Aur ab haathon main saghar afsos ka hai
Ek dehleez pe jaa kar dil khush hota tha
Ab to shaher main her aik dar afsos ka hi
Hum ne ishq gunnah se bar'tar jana tha
Aur dil par pehla pathar afsos ka hai
Dekho us chahat kay pairr ki shaakhon par
Phool udaasi ka hai samar afsos ka hai
Koi pachtawa sa pachtawa hai "Faraz"
Dukh ka nahin afsos , magar afsos ka hai
No comments:
Post a Comment