Kaghaz qalam lay kay main roz baith'ta hoon
Kuch is tarah teray husn ki tareef likhta hoon
Teray naino ko sharaabi aur honton ko gulaabi
Teri zulfon ko bal khaati qatil nagan likhta hoon
Chaal teri mastaani khud se lagti ho be'gaani
Teray husn-o-shabaab ko madhosh jaam likhta hoon
Teri mohabbat main itna to ghayel hoon main
Dil ki veeran zameen kay liye baad-e-saba samjhta hoon
Woh ik khat jo tu ne kabhi likha hi nahin
Main roz baith kay uss kay jawaab likhta hoon
Kabhi to woh khatt likhye gi mujhay yaqeen hai
Yehi alfaaz main baar baar likhta hoon
No comments:
Post a Comment