Kal teray shaher ka ek shakhs mila jo mujh se
Baaton baaton main tera zikar bhi zaalim ne kiya
Naam kya aaya tera uss kay labon par jana
Jis tarah rooh kisi jism se khinch kar aaye
Youn laga mout kay saaye meray sar pe aaye
Phir teray pyaar ki pazaib achanak chamki
Phir mera weham dilaason ki haddon se nikla
Phir meri aankh main sawan kay katoray chhalkay
Phir meri jaan pe qayamat ki gharri aa tehri
Phir meray dil ne ajab maangi dua Maalik se
Aaj kay baad tera zikar karay na koi
Aaj kay baad koi tera shanaasa na milay
No comments:
Post a Comment