Karam aap kay yaad aanay lagay
Meray zakham phir muskuranay lagay
Shagufta nigahi ka ijaz hai
Qafas bhi mujhay Aashiyane lagay
Purana safar khatam honay laga
Naye raastay jag'maganay lagay
Yeh kya hai keh hotay huye aap kay
Zamana mujhay azmaanay lagay
Firozan hui jin se shaam-e-chaman
Woh jugnoo bhout hi suhaanay lagay
Bari dair kay baad doobay hain hum
Safeenay bil'aakhir thikanay lagay
No comments:
Post a Comment