-.jpg)
Khullay paaniyon main ghirri larkiyan
Narm lejron kay cheentay uraati hui
Baat be baat hansti hui
Apnay khwabon kay shehzadon ka tazkara kar rahi thein
Jo khamosh thein
Un ki aankhon main bhi muskurahat ki tehreer thi
Door saahil pe baithi hui ik nanhi si bachi
Hamari hansi aur mojon se be'khabar
Rait se ik gharonda bananay main masroof thi
Aur main sochti thi
Khudaya ! yeh hum larkiyan kacchi umaron se hi kiyon
Khwaab dekhna chahti hain , , , , !!!
No comments:
Post a Comment