Kisi aur se koi wasta
Na sawal tha, na malaal tha
Mujhe ab bhi us ka khayal hai
Mujhe kal bhi us ka khayal tha
Wohi jis ke chehre ki roshni,
Mera rang thi, mera roop thi
Wohi shakhs tha meri arzu
Wohi mera husn-o-jamaal tha
Wohi chandni, wohi chaand tha
Magar raat dard bhi maand tha
Teri yaad thi mere rubaru,
Mera rabta bhi bahaal tha
Jo zuban-e-khalq pe aam thin
Wo tumhari meri kahaniyan
Mujhe aaj tak na khabar hoi
Wo urooj tha ke zaawal tha
No comments:
Post a Comment