Lamha lamha raat bhar aankhon main utri chandni
Thi teray rukhsaar se uljhi woh nikhri chandni
Yaad hai woh saath tera aur teray kandhay ki shaal
Sardiyon ki raat main woh bheegi bheegi chandni
Woh tera apni hi baanhon main simattna sharam se
Aur teray masoom chehray par woh simtti chandni
Jab hawa kay dosh pe sunna meri bazm-e-ghazal
Mujh se kehna hai meray aangan main bikhri chandni
Chand ! ab to chand mera jaa basa pardes main
Dil ko ab achi nahin lagti hai pheeki chandni
No comments:
Post a Comment