Roz taaron ki nu'maish main nikal parta hai
Chand pagal hai andheray main nikal parta hai
Aik dewana musafir hai meri aankhon main
Waqat-be-waqat tehar jaata hai chal parta hai
Apni tabeer kay chakar main mera jaagta khwaab
Roz suraj ki tarah ghar se nikal parta hai
Roz pathar ki himayat main ghazal likhtay hain
Roz sheeshon se koi kaam nikal parta hai
US ki yaad aayi hai saanso zara aahista chalo
Dharkano se bhi Ibadat main khal'lal parta hai
No comments:
Post a Comment