Shakist dil ki hui , taar zehan kay tootay
Hayaat to rahi , naatay hayat se tootay
Para jo farq , teray zarf pe para ho ga
Hamara kya hai khilonay thay hum , banay , tootay
Yeh kis kay haath main tha dor sa wajood apna
Kabhi sirray se , kabhi darmiyaan se tootay
Main neend main hi sahi jaag to raha tha aakhir
Khulli jo aankh to khawabon kay sil'silay tootay
Woh ik baat bhi kitnay rukhon se karta hai
Keh baarha meri nazar kay zawiye tootay
Saahil na janay "Muzaffar" se zarb-e-tanhaai
Ajab nahin keh yeh sheesha paray paray tootay
No comments:
Post a Comment