-.jpg)
Us ki juz buz se parishaan nahin ho sakta
Dil agar dil hai to halkaan nahin ho sakta
Yaad us ki hai to bar'baad nahin ho sakti
Zehan mera hai to be'dhiyaan nahon ho sakta
Kis qanaa'at se raha ghar meray aa kar mehmaan
Yeh koi aur hai mehmaan nahin ho sakta
Mera jo haal hua dil kay hawalay se hua
Dil bhi aisa jo pashemaan nahin ho sakta
Main ne ik shakhs se khamosh mohabbat ki hai
Yehni hum dono ka nuqsaan nahin ho sakta
Kaar-e-dushwaar nimet'ta nahin jab tak Mohsin
Doosra kaam bhi asaan nahin ho sakta
No comments:
Post a Comment