Ussay kehna qasam lay lo

Ussay kehna qasam lay lo 

Tumharay baad jo hum ne kisi ka khwaab dekha ho 

Kisi ko chaha ho

Kisi ko pooja ho

Kisi ki Aarzoo ki ho

Kisi ki justagoo ki ho 

Kisi ki raah dekhi ho 

Kisi ka qurb maanga ho

Kisi se aas rakhi ho 

Koi umeed baandhi ho 

Koi dil main utraa ho 

Koi tum se jo pyaara ho 

Koi dil main basaya ho

Koi apna banaya ho 

Koi rootha ho to hum ne ussay ro kar manaya ho

Kisi se baat karnay ko kabhi yeh hont tarsay hon 

Kisi ki be'wafai par kabhi yeh nain barsay hon 

Kabhi raaton ko uth uth kar teray dukh main ne roye hon 

Ussay kehna qasam lay lo 

Tumharay baad 

Jo hum ne kisi ka khwaab dekha ho