Waqat her cheez ka imkaan badal sakta hai
Ain-mumkin hai tera dhiyaan badal sakta hai
Zindagi main hai faqat teri mohabbat ki kami
Tu meri zeest ka unwaan badal sakta hai
Ab teri yaad to is dil se nikalnay se rahi
Apni taqdeer kab , insaan badal sakta hai
Hum faqat wasal kay qaail to nahin chahat main
Kab hamein hijar ka toofan badal sakta hai
Lay kay phirta hai teray gham ka hawala
Tu jo chahye to yeh pehchaan badal sakta hai
No comments:
Post a Comment