Zakham dil kay naqaab kholain gay
Wehshaton kay azaab kholain gay
Harf saaray hamein pukaarain gay
Jab woh dil ki kitaab kholain gay
Kya tamana rahi , mila kya kya
Zindagi ka hisaab kholain gay
Fikar kiyon hamein musaafat ki
Raastay khud saraab kholain gay
Bhoolnay ko gham-e-mohabbat ko
Hum sharaabi sharaab kholain gay
Laakh guzro nazar bacha kay tum
Bhaid tera gulaab kholain gay
Raaz dil ka sada likho na youn
Log ji bhar utaab kholain gay
No comments:
Post a Comment