Zara sahil pe aa kar , woh jo thora muskura deta
Bhanwar ghabraa kay khud mujh ko , kinaray par laga deta
Woh na aata magar , itna to keh deta main aayon ga
Sitaray , chand saara asmaan , raah main bicha deta
Khabar hoti agar yeh jaal hai , qismat ki sazish ka
LAkeerain apnay haathon ki , ussi lamhay mitta deta
Shajar hota to likh likh kar , tumhara naam patton par
Tumharay shaher ki janib , hawaon main urra deta
Meray bas main agar hota , hata kar chand taaron ko
Main neelay aasman pe bas , teri aankhein bana deta
No comments:
Post a Comment