Jeevan raah pe chaltay chaltay murr kay dekha barson baad
Kya khoya kya paya hum ne aaj yeh jana barson baad
Aik zara si dair main barson ki khamoshi toot gayi
Kis ne samay ki jheel main pehla pathar phainka barson baad
Baithay baithay aaj kisi ki yaad ne youn angraai li
Ashkon ka be'mousam badal toot kay barsa barson baad
Muddat baad milay hum dono to aisa mehsos hua
Waqat ne ik tasveer kay do tukron ko jora barson baad
Raat meray kamray main koi saya sa lehraya tha
Neend urri aankhon ne shayed sapna dekha barson baad
Tabeeron ki khoj main aakhir apna aap ganwa baithay
Sagar apna her ik sapna jhoota nikla barson baad
No comments:
Post a Comment