Kuch yaad gaar-e-shaher sitam'gar hi le chalein
Aaye hain is gali main to pathar hi lay chalein
Youn kis tarah kattay ga karri dhoop ka safar
Sar pe khayal-e-yaar ki chadar hi lay chalein
Ranj-e-safar ki koi nishani to paas ho
Thori se khaak koocha-e-dil'bar hi lay chalein
Yeh keh kay chairti hai hamein dil'gariftagi
Ghabra gaye hain aap to baahir hi le chalein
Is shaher-e-be'chragh main jaye gi tu kahan
Aa Ae shab-e-firaaq tujhay ghar hi lay chalein
No comments:
Post a Comment